الرئيسية
بشروه اني ابرحل من حياته..بشروه وفرحو فيني ذويه
كفنوا جسمي بماضي ذكرياته..ادفنوني بالمكان الي يبيه
اطلبو منه اذا خلص صلاته..فوق لحدي يحمله براحة يديه
ولي وصل قبري وحقق له مناته..يدفن إنسانه تحبه تموت فيه
علموه اني وربي من غلاته..اعشق ترابن مشت رجله عليه
حلفوه يشد ويقوي ثباته..لاينزل دمعا يجرح له عينيه
باكر بيندم ويصحى من سباته..يحتضن قبري ويبكي يرتجيه
يعتذر عن حرجه وظالم سواته..معترف بالذنب لكن بعد ايه
مايفيد الصوت دام الفوت فاته..من خذاه الموت وش له يحتريه
الزمن غادر وتحطنا رحاته..ماصفا حاله على الدايم جذيه
يستوي ويقوم يلملم شتاته..يبقى شامخ جلد صبار ونزيه
اطلبوه يسمى وحده من بناته..باسمي وطيفي مع بنته يجيه
طمنوه اني مسامحته لذاته..بشره الله يرضالي عليه
وادفنوه بجنبي ان حانت وفاته..جنب انسانه وربي تموت فيه
مع حبي وحيدهـ يدنياها
